Qazaqstan boksshylary World Boxing ótkizetin álem chempıonatynda óner kórsetedi

ASTANA. KAZINFORM – 26 qazanda 19 jastaǵy sportshylar arasyndaǵy bokstan álem chempıonaty bastalady. Ol Pýeblo qalasynda ótpek (AQSh).

Ulttyq olımpıadalyq komıtettiń málimetinshe, Qazaqstan komandasy Word Boxing Halyqaralyq federatsııasy uıymdastyrýshy bolyp sanalatyn álem birinshiliginde alǵash ret óner kórsetpek.

Barlyǵy álem chempıonatynda 30 elden 180 sportshy qatysyp otyr. Qazaqstan boks federatsııasynyń baspasóz qyzmetiniń málimetinshe, AQSh-ta Qazaqstan namysyn tórt boksshy qozǵaıdy.

Júlde úshin Erasyl Amanǵalıev (55 kelige deıingi salmaqta), Asylhan Kósherbaı (65 kelige deıingi salmaqta), Dıas Serikuly (70 kelige deıingi salmaqta), Danııal Raıymbekov (85 kelige deıingi salmaqta) kúresedi.

Eske salsaq, World Boxing – 2023 jyldyń sáýir aıynda ashylǵan Halyqaralyq boks federatsııasy. Bıylǵy jyldyń qyrkúıek aıynda Qazaqstan Word Boxing-ke kirýge ótinim bergen.

Buǵan deıin 16 jastaǵy qandasymyz Qytaıdyń áıelder fýtbol komandasynyń jattyǵýshylar tizimine tańdalǵanyn jazǵan bolatynbyz.