Qazaqstan boksshylary U15 sanatyndaǵy Azııa chempıonatynda 24 medal jeńip aldy
ASTANA.KAZINFORM – Bokstan Tashkentte (Ózbekstan) ótip jatqan U15 jas sanatyndaǵy Azııa chempıonatynda fınaldyq básekeler aıaqtaldy.
Ulttyq qurama boksshylary U15 jas sanatynda 7 altyn, 8 kúmis jáne 9 qola medal jeńip aldy.
QR UOK málimetinshe, týrnırde Beıbarys Qoıshybaı (43 kelige deıin), Nurıslam Baqtýbaev (55 kelige deıin), Raýan Toǵyzbaı (61 kelige deıin), Amanjan Janaı (67 kelige deıin), Aıan Baýyrjan (70 kelige deıin), Samal Tólepbergen (52 kelige deıin) jáne Nurgúl Sahı (67 kelige deıin) altyn medal jeńip aldy.
Al Saıat Rahymberdi (33 kelige deıin), Jaqsylyq Ermekuly (35 kelige deıin), Aıbyn Májıt (70 keliden joǵary), Nurjanat Beknazar (37 kelige deıin), Sabrına Ádilhanova (46 kelige deıin), Arýna Shalman (55 kelige deıin), Aıarý Faızýllaeva (61 kelige deıin) jáne Kórkem Ǵalym (70 keliden joǵary) kúmisten alqa taqty.
Sultanǵalı Nurmahan (37 kelige deıin), Aıajan Marat (33 kelige deıin), Aısha Nasanova (35 kelige deıin), Dıana Mendıgaraeva (40 kelige deıin), Sezim Nurlybek (43 kelige deıin), Ardaq Ábdihan (58 kelige deıin), Dinmuhamed Moldahan (64 kelige deıin), ıAsmın Djaýthanova (64 kelige deıin) jáne Erkenaz Erbolqyzy (70 kelige deıin) qola medalǵa ıe boldy.
Aıta keteıik, búgin U17 jas sanatynda fınaldyq jekpe-jekter ótedi.
Qazaqstandyq ziltemirshi Azııa chempıonatynda besinshi oryn alǵanyn jazǵan edik.
