Qazaqstan boksshylary 2025 jyly halyqaralyq jarystarda 113 medal jeńip aldy
ASTANA. KAZINFORM – Qazaqstan boks federatsııasynyń bas hatshysy Mereı Aqshalov 2025 jyly qazaqstandyq boksshylar halyqaralyq jarystarda jeńip alǵan medaldardyń jalpy sanyn jarııalady, dep habarlaıdy Sports.kz.
– 2025 jyly boksshylarymyz halyqaralyq arenada 113 medal jeńip aldy. Onyń ishinde 58 altyn, 28 kúmis jáne 27 qola medal bar. Bul – bapkerler shtaby men óńirlik federatsııalardyń birlesken jumysynyń nátıjesi, – dedi Aqshalov jyl saıynǵy konferentsııa barysynda.
2025 jylǵy maýsymda qazaqstandyq bylǵary qolǵap sheberleri úshin negizgi halyqaralyq jarystardyń qatarynda Lıverpýlde ótken álem chempıonaty, jeltoqsanda Dýbaıda uıymdastyrylǵan IBA álem chempıonaty jáne Astanada ótken World Boxing álem kýbogy boldy.
Astanadaǵy álem kýbogy 30 maýsym men 6 shilde aralyǵynda ótti.
Al Lıverpýldegi álem chempıonatynda Qazaqstan quramasy jalpykomandalyq esepte birinshi oryn aldy.
Ulttyq qurama atalǵan jarysta 10 medal jeńip aldy. Onyń ishinde 7 altyn, 1 kúmis jáne 2 qola júlde bar.
Aıta keteıik, bokstan Qazaqstan erler quramasy álem kýbogyna daıyndyǵyn bastady.
