Qazaqstan boks quramasy Sheffıld qalasyndaǵy kópultty oqý-jattyǵý jıyndaryna attanyp ketti
ASTANA. Tamyzdyń 2-si. QazAqparat /Jasulan Amanbaıuly/ - Qazaqstan boks quramasy Brıtanııanyń áýesqoı boks qaýymdastyǵynyń shaqyrýymen Sheffıld qalasyna attanyp ketti, dep habarlaıdy QazAqparat.
Onda bizdiń boksshylarymyz kópultty oqý-jattyǵý jıyndaryna qatysady. Qazaqstan boks quramasy Brıtanııanyń áýesqoı boks qaýymdastyǵynyń arnaıy shaqyrýyna ıe boldy. Sheffıld qalasynda ótetin halyqaralyq oqý-jattyǵý jıyndary tamyzdyń 1-i men 9-y aralyǵynda ótedi. Sheffıld Ulybrıtanııa astanasy Londonnan 170 shaqyrym qashyqtyqta ornalasqan.
Oǵan Qazaqstan quramasy sapynan Birjan Jaqypov (48 kg), Mıras Jaqupov (51 kg), Danııar Tólegenov (54 kg), Mádı Sholaqov (57 kg), Samat Bashenov (60 kg), Danııar Eleýsinov (64 kg), Serik Sápıev (69 kg), Nurdáýlet Jarmanov (75 kg), Almat Serimov (81 kg), Vasılıı Levıt (91 kg), Ivan Dychko (+91 kg) syndy boksshylarymyz ketti.
