Qazaqstan boks quramasy Azııa chempıonatyna daıyndyǵyn bastady
ASTANA. KAZINFORM — Bokstan Qazaqstannyń erler quramasy Túrkistan oblysynda osy jyldyń alǵashqy oqý-jattyǵý jıynyna kiristi. Bul jóninde Qazaqstan boks federatsııasy málim etti.
Oqý-jattyǵý jıyny 25 qańtarǵa deıin jalǵasady. Bul — naýryz aıynda Mońǵolııada ótetin Azııa chempıonatyna daıyndyqtyń alǵashqy kezeńi.
— Barlyq aımaqtan jınalǵan 50 sportshy jıyrma kún boıy fızıkalyq jáne fýnktsıonaldyq múmkindikterin arttyrýǵa kóńil bóledi. Sondaı-aq kúsh pen tózimdiliktiń jalpy kólemin jınaqtaýǵa jáne aldaǵy jarystarǵa qajetti júkteme bazasyn qalyptastyrýǵa eńbektenedi, — dep jazylǵan habarlamada.
Bokstan Azııa chempıonaty Mońǵolııa astanasy Ýlan-Bator qalasynda 28 naýryz ben 11 sáýir aralyǵynda ótkiziledi.
Aıta ketsek, Mahmud Sabyrhan World Boxing uıymynyń úzdik boksshysy atandy.
M.Sabyrhan 2001 jyly dúnıege kelgen. Qazirge deıin 2023, 2025 jyldary álem chempıony bolsa, 2021 jyly kúmis júldeger atandy. 2022 jyly Azııa birinshiliginde ekinshi oryn alsa, 2024 jyly osy qurlyqtyq dodanyń chemmpıony boldy.