Qazaqstan boks federatsııasy World Boxing uıymyna qosylýǵa ótinish berdi
ASTANA. KAZINFORM - Qazaqstan boks federatsııasy uzaq talqylaýlar men saraptamanyń nátıjesinde mańyzdy sheshim qabyldady. Qazaqstan World Boxing uıymynyń qataryna qosylý úshin resmı ótinish berdi.
QR Boks federatsııasynyń baspasóz qyzmeti atap ótkendeı, bul sheshim birinshi kezekte otandyq boksshylardyń Olımpıadalyq bolashaǵymen tikeleı baılanysty.
«Qazir bokstyń Olımpıada baǵdarlamasynda qalý máselesi HOK deńgeıinde talqylanyp jatyr. Boksty Olımpıada oıyndarynyń baǵdarlamasynda saqtap qalý maqsatynda barlyq eldermen ortaq jumys jasaýǵa daıynbyz. Bul sheshim boksty odan ári damytýǵa múmkindik beredi dep sanaımyz. World Boxing Olımpıadalyq Komıssııasynyń tóraǵasy, Ulttyq Olımpıada komıtetiniń prezıdenti Gennadıı Golovkınmen kezdesý barysynda Otandyq bokstyń damý joldaryn talqyladyq», - dedi federatsııa basshysy Shahmurat Mútálip.
World Boxing – Halyqaralyq boks federatsııasy. Bul uıym 2023 jyldyń sáýir aıynda qurylǵan. Qazirgi ýaqytta onyń quramyna 44 eldiń ulttyq federatsııasy engen.
Esterińizge sala keteıik, osyǵan deıin Gennadıı Golovkın Halyqaralyq boks federatsııasynyń olımpıadalyq komıssııasyn basqaratyny týraly jazǵan bolatynbyz.
