Qazaqstan Boks federatsııasynyń prezıdenti T.Qulybaev Golovkındi jeńisimen qutyqtap, hat joldady
ASTANA. QazAqparat - AIBA vıtse-prezıdenti, Qazaqstan Boks federatsııasynyń prezıdenti Tımýr Qulybaev Gennadıı Golovkınge Brıtanııa boksshysy Martın Mıýrreımen bolǵan jekpe-jekte jetken jeńisimen quttyqtap, hat jiberdi.
«Men, júz myńdaǵan qazaqstandyqtarmen birge Sizge jankúıer boldym. Boks súıer qaýymdy keremet jetistigińizben qýantyp, taǵy bir márte el senimin aqtadyńyz. «Salle des Etoiles» arenasyndaǵy kezdesýde qazaq boks mektebiniń san qyrly artyqshylyqtaryn sheber kórsete bildiń», delingen telegrammada.
Sondaı-aq, Tımýr Qulybaev hatynda Golovkın jeńisi jas sportshylardyń rýhyn kóterip, bıikke umtylýyna kúsh beretinin, onyń qazaqstandyqtardyń maqtanyshyna aınalǵanyn atap ótti.
AIBA prezıdenti boksshyǵa bolashaǵyna senim artyp, tabys tiledi.
