Qazaqstan boks federatsııasynyń prezıdenti Álem chempıonatynyń jeńimpazdary men júldegerlerin marapattady
ASTANA. 31 qazan. QazAqparat - Búgin Astanada AIBA vıtse-prezıdenti, Qazaqstan boks federatsııasynyń prezıdenti Tımýr Qulybaev bokstan Qazaqstan Respýblıkasy ulttyq quramasynyń sportshylary jáne jattyqtyrýshylarymen kezdesti.
Bul týraly Qazaqstan boks federatsııasynyń baspasóz qyzmetinen habarlandy.
T. Qulybaev ulttyq qurama múshelerin álem chempıonatynda qol jetkizgen tamasha nátıjemen quttyqtady. 4 altyn, 2 kúmis, 2 qola júldemen jalpykomandalyq esepte birinshi oryn alǵan qazaqstandyq boksshylar alǵash ret ret mundaı jetistikke qol jetkizip otyrǵanyn atap ótken Qazaqstan boks federatsııasynyń prezıdenti álem birinshiliginiń jeńimpazdary men júldegerlerine, jattyqtyrýshylar quramy men keshendi ǵylymı top múshelerine syılyqtar tabys etti.
Federatsııa basshysy álem chempıonatyna daıyndyqqa jáne ony ótkizýge úles qosqandardyń barlyǵyna rızashylyǵyn bildirip, AIBA prezıdenti Chıng-Kýo Vý, osy bedeldi halyqaralyq uıymnyń basshylyǵy, ulttyq federatsııalardyń basshylary Almatyda ótken chempıonattyń uıymdastyrylýyna joǵary baǵa bergenin atap ótti.
