Qazaqstan boks federatsııasynyń kýbogy: Jambyldyqtar shırek fınalda týrnır chempıondaryn joldan taıdyrdy
ASTANA. QazAqparat - Keshe «Qazaqstan boks federatsııasy kýbogynyń» shırek fınaldyq kezdesýleriniń ekinshi kúni aıaqtaldy, dep habarlaıdy federatsııanyń baspasóz qyzmeti.
Bul kezeńde «B» jáne «D» tobyndaǵy komandalar baq synasty.
Oral qalasynda «B» tobynyń (Astana, Jambyl jáne Batys Qazaqstan oblystarynyń quramalary) myqtylary anyqtaldy. Elordalyq quramdy Jambyl oblysynyń boksshylary 6:4 esebimen tize búktirip, jartylaı fınalǵa joldama aldy. Astana quramasy buǵan deıin týrnırdiń chempıondary sanalyp kelgen.
Qaraǵandyda ótken synda Almaty jáne Qaraǵandy oblystarynyń boksshylary 8:2 jáne 10:0 esebimen Atyraý jáne SQO boksshylaryn oısyrata jeńdi. Búgin qos jeńimpaz ózara tájikelesip, qaı jeńgeni jambyldyqtarǵa qarsylas atanady.
