«Qazaqstan Boks federatsııasynyń kýbogy» respýblıkalyq týrnıri bastaldy

Іs-shara «Shyǵys» dıvızıonynda týrnırdiń shırek fınaly kezdesýinen bastaldy. Atalǵan topqa 4 komanda kiredi. Olar: Astana qalasy, Almaty, Pavlodar jáne Shyǵys Qazaqstan oblystarynyń quramalary. Alǵashqy bolyp rıngte Shyǵys Qazaqstan men Almaty oblysynyń komandalary kezdesti. Sodan keıin Astana qalasy men Pavlodar oblysy komandalary arasyndaǵy jekpe-jek bolady.

«Sharanyń Astanada ótip jatqany - biz úshin úlken qýanysh. Qarsylastarymyz da ońaı shaǵylatyn jańǵaq emes. Jalpy alǵanda, bul jarys jastar arasyndaǵy bokstyń damýyna úlken úles qospaqshy. Osy týrnırden keıin jasóspirimder boks sektsııasyna kóptep jazylatynyna meniń senimi mol», - dep bólisti astana.kz saıtyna óz oıymen Almaty oblysynyń Qazaqstanǵa eńbek sińirgen jattyqtyrýshysy Toqtarbek Sametov.

«Qazaqstandyq Boks federatsııasy kýbogy» aımaqtarda boksty damytý jáne jas daryndy sportshylardy anyqtaý maqsatynda Qazaqstan Boks federatsııasynyń prezıdenti Tımýr Qulybaevtyń bastamasymen bekitildi. Týrnır 3 jyldan beri sportshylar men jattyqtyrýshylardyń jáne jankúıerler arasynda keńinen tanymal bolyp otyr.

Toqtala ketetin jaıt, bıyl respýblıkalyq jarys reglamenti birshama ózgertildi. Birinshiden, týrnır kezeńderiniń sany úshke deıin qysqartyldy.Ekinshiden, bylǵary qolǵap sheberleri shlem kımeıdi. Taǵy da bir jańashyldyq - shırek fınal aınalym júıesi boıynsha ótkiziledi: barlyq komandalar úsh kezdesýge qatysady. Dıvızıon jeńimpazy jınalǵan upaı sany boıynsha anyqtalady.

Basqa dıvızıondaǵy ¼ matchtar:

• «Ońtústik» - 20-24 shilde aralyǵynda Shymkentte;
• «Batys» - 25-29 shilde aralyǵynda Aqtóbede;
• «Soltústik» - 25-29 shilde aralyǵynda Qaraǵandyda ótedi.

Sportshylar 10 salmaq sanatynda kúsh synasady : 49; 52; 56; 60; 64; 69; 75; 81; 91 keli jáne 100 keliden joǵary.

«Qazaqstandyq Boks federatsııasy kýbogynyń» fınaly 2013 jyldyń sońynda ótedi.