«Qazaqstan boks federatsııasynyń kýbogy - 2014» jeńimpazdaryna 25 mln. teńge syıaqy beriledi
ASTANA. QazAqparat - Astanada Qazaqstan boks federatsııasynyń kýbogy básekesiniń jerebesi tartyldy, dep habarlaıdy Qazaqstan boks federatsııasynyń resmı saıty.
Kýbok jeńimpazdary federatsııa tarapynan 25 mıllıon teńge kóleminde aqshalaı syıaqy alady.
Barlyq komandalar reıtıng boıynsha tórt topqa bólingen. Árbir topta basqalardan oq boıy ozyq komandalar men aýtsaıderler bar. Jartylaı fınaldyq synda «A» tobynyń ókilderi «S» tobynyń, al «V» tobynyń ókilderi «D» tobynyń boksshylarymen kezdesedi.
Jerebe tartý rásiminen keıingi komandalar quramy:
«A» toby: Mańǵystaý oblysy, Shyǵys Qazaqstan oblysy, Almaty oblysy jáne Pavlodar oblysy;
«V» toby: Astana, Aqtóbe oblysy, Batys Qazaqstan oblysy, Jambyl oblysy;
«S» toby: Ońtústik Qazaqstan oblysy, Aqmola oblysy, Qyzylorda oblysy, Qostanaı oblysy;
«D» toby: Qaraǵandy oblysy, Almaty oblysy, Atyraý oblysy, Soltústik Qazaqstan oblysy;
Sonymen qatar, komandalar teń túsken jaǵdaıda, qosymsha jekpe-jek ótkiziletin salmaq dárejeleri anyqtaldy. Eger, qarsylastar ıtjyǵys tússe, «A» tobynda +91 keli, «V» tobynda 91 keli, «S» tobynda 69 keli, «D» tobynda 52 kelide qosymsha kezdesý ótkiziledi.
Jartylaı fınalda «A» jáne «S» tobyndaǵy qosymsha salmaq dárejesi - 75 keli, «V» jáne «D» tobyndaǵy qosymsha salmaq - 69 keli. Eger fınalda da komandalar teń túsip qalatyn bolsa, jeńimpaz quramany 52 keli salmaqtaǵy boksshylar anyqtaıdy.
«A» tobyndaǵy shırek fınal Almatyda, «V» tobyndaǵy shırek fınal Aqtóbede, «S» tobyndaǵy báseke Aqmola oblysynda, «D» tobyndaǵy doda Qaraǵandy oblysynda ótpek.
Al, jartylaı fınal men aqtyq aıqastaǵy jekpe-jek dástúr boıynsha Astanada 14-15 jeltoqsan kúnderi ótedi. 2013 jylǵy jeńimpaz elordalyq komanda bolǵan edi.
