Qazaqstan boks federatsııasy kýbogynyń jartylaı fınalyna shyqqandar anyqtaldy
ASTANA. 30 shilde. QazAqparat - Qazaqstandyq boks federatsııasy kýbogynyń jartylaı fınalynda Astana, Mańǵystaý, Qaraǵandy jáne Ońtústik Qazaqstan oblystarynyń quramalary kezdesedi.
Bul týraly Qazaqstan boks federatsııasynyń baspasóz qyzmetinen habarlandy.
«14 jeltoqsanda Astanada jartylaı fınalda Mańǵystaý jáne Qaraǵandy oblystarynyń quramalary jáne buǵan deıin habarlanǵandaı, Astana men Ońtústik Qazaqstan oblysynyń quramalary kezdesedi», - delingen baspasóz baıanynda.
Toqtala ketetin jaıt, Qazaqstan boks federatsııasy kýbogynyń fınaly 15 jeltoqsanda elordada ótedi.
