Qazaqstan boks federatsııasy kýbogynyń irikteý kezeńi bastaldy
QARAǴANDY. QazAqparat - Qaraǵandy qalasynda bokstan Qazaqstan boks federatsııasy kýbogynyń irikteý kezeńi bastaldy. Bul qalada Qaraǵandy, Qyzylorda, Aqtóbe jáne Soltústik Qazaqstan oblystarynyń boksshylary synǵa túsedi, dep habarlaıdy QazAqparat tilshisi.
Іrikteý kezeńi 4-6 qazan aralyǵynda ótkiziledi. Búgin alǵashqy jekpe-jekter boldy. Qaraǵandy boksshylary qyzylordalyq, Aqtóbe sportshylary Soltústik Qazaqstannan kelgen qarsylastaryn 6:2 esebimen jeńdi.
Esterińizge sala ketelik, bıylǵy bokstan Qazaqstan boks federatsııasy kýbogynyń jerebesi boıynsha 16 oblys quramasy tórt topqa bólingen. Qaraǵandyda A tobyndaǵy oblys quramalary synǵa tússe, Kókshetaýda V, Shymkentte S, Aqtaýda D tobyndaǵy oblys quramalarynyń bylǵary qolǵap sheberleri qolǵap túıistiredi. Іrikteý kezeńindegi jekpe-jekter 3-13 qazan aralyǵynda bolady.
Atalmysh týrnır bıyl onynshy márte jalaýyn kóterdi. Budan burynǵy jyldarda Nur-Sultan qalasy (2010, 2013), Qaraǵandy (2011), Jambyl (2014), Túrkistan (2015, 2017), Mańǵystaý (2012, 2016, 2018) oblystary Qazaqstan boks federatsııasy kýbogynda jeńimpaz atanǵan bolatyn.
