Qazaqstan boks federatsııasy Kýbogynyń 1/2 fınalynda kimder judyryqtasady
ASTANA. QazAqparat - Qazaqstan boks federatsııasynyń Kýbogy týrnıriniń 2 jeltoqsan kúni ótetin jartylaı fınalynda Almaty, Ońtústik Qazaqstan, Mańǵystaý oblystary men Astana qalasynyń komandalary kezdesedi. Bul týraly Qazaqstan boks federatsııasynyń resmı saıtynda málim etildi, dep habarlaıdy QazAqparat.
Týrnırdiń VIII kezeńinde barlyq shırek fınaldar aıaqtaldy. 7-9 qyrkúıek aralyǵynda A jáne S toptarynda jekpe-jekter ótti. A tobynda Almaty oblysy qaraǵandylyqtarmen qyzylordalyq komandalardy jeńip, alǵa shyqty.
Al S toby boıynsha OQO komandasy Aqmola men Pavlodar oblystarynyń bylǵary qolǵap sheberlerinen ústem boldy.
21-24 qyrkúıekte Aqtaýda ótken jarysta D tobynda Mańǵystaý oblysynyń quramasy kósh bastady. Olar almatylyqtar men atyraýlyqtardan basym tústi.
Budan bólek, V tobynda 22 qyrkúıekte elordada Astana men Jambyl oblysynyń komandalary ǵana tartysqa tústi. Bul dodada Astana boksshylary qarsylastaryn 6:4 esebimen utty. Al Shyǵys Qazaqstan men Batys Qazaqstan komandalary osy maýsymda Kýbok týrnırine qatysýdan bas tartty.
Esterińizge sala keteıik, Astanada Qazaqstan boks federatsııasy Kýbogynyń shırek fınalynda jeńilis tapqan boksshy men onyń bapkeri tóreshini sabaǵan bolatyn. Keıin, judyryq jumsaǵan bapker men tálimger sporttan shettetiletini anyqtaldy. Oqıǵa 22 qyrkúıek kúni astanalyq boksshy Rahat Marjyqpaev pen tarazdyq Aman Qazanǵapovtyń kezdesýinde boldy.
