Qazaqstan Boks federatsııasy kýbogy jarysynda jartylaı fınalǵa shyqqan komandalar anyqtaldy
ASTANA. 24 qazan. QazAqparat - El Táýelsizdiginiń 20 jyldyǵyna arnalǵan Qazaqstan Boks federatsııasy kýbogy respýblıkalyq jarysynyń ¼ fınalynda komandalar arasyndaǵy básekeler ótti.
QR Boks federatsııasynyń habarlaýynsha, «Ońtústik» dıvızıonynda Almaty men Jambyl oblystary Almaty qalasynda kezdesip, almatylyqtar 6:4 esebimen jeńiske jetti.
«Batys» dıvızıonynda Mańǵystaý men Atyraý oblysynyń boksshylary Aqtaý qalasynda judyryqtasyp, mańǵystaýlyqtar 8:2 esebimen basym tústi.
«Soltústik» dıvızonynda sharshy alańǵa kóterilgen Qostanaı men Qaraǵandy oblysynyń sportshylary arasyndaǵy básekede 6:4 esebimen qaraǵandylyqtar basym boldy.
Al «Shyǵys» dıvızıonynda Almaty men Shyǵys Qazaqstan oblysynyń komandalary Taldyqorǵan qalasynda óz baqtaryn synap, shyǵysqazaqstandyqtar 6:4 esebimen ústem boldy.
Osylaısha Qazaqstan Boks federatsııasy kýbogy jarysynda jartylaı fınalǵa shyqqan komandalar anyqtaldy. Endi 5 qarasha kúni aqtyq synǵa shyǵý úshin Jambyl men Qaraǵandy, Mańǵystaý men Shyǵys Qazaqstan oblysynyń bylǵary qolǵap sheberleri kúsh synasady.
