«Qazaqstan boks federatsııasy» Atqarý komıtetiniń otyrysy ótedi
ASTANA. 1 qarasha. QazAqparat - «Qazaqstan boks federatsııasy» Atqarý komıtetiniń otyrysy ótedi, dep habarlady federatsııasynyń baspasóz qyzmetinen.
«3 qarasha kúni elordadaǵy «Dýman» qonaq úıinde Qazaqstan boks federatsııasynyń prezıdenti Tımýr Qulybaevtyń tóraǵalyǵymen «Qazaqstan boks federatsııasy» Atqarý komıtetiniń otyrysy ótedi», - delingen habarlamada.
Alqaly jıynnyń kún tártibinde 2012 jyly Londonda ótetin Olımpıada oıyndaryna elimizdiń bylǵary qolǵap sheberleriniń daıyndyǵy turǵysynda ulttyq quramanyń halyqaralyq jarystarǵa qatysý qorytyndysy, Qazaqstandaǵy jasóspirimder jáne jastar boksynyń jaı-kúıi, «Astana arlandary» komandasynyń Dúnıejúzilik boks serııasynyń ekinshi maýsymyna daıyndyǵy syndy máselelerge qatysty jattyqtyrýshylar keńesiniń esebi tyńdalady.
