Qazaqstan «Bıznesti júrgizý -2012» Dúnıejúzilik bankiniń reıtıngisinde 47 orynǵa kóterildi
ASTANA. 20 qazan. QazAqparat - Halyqaralyq qarjy korporatsııasy men Dúnıjúzilik bankiniń jańa baıandamasy, Eýropa men Ortalyq Azııanyń óńirleri kásipkerlik qyzmettiń normatıvti-quqyqtyq qadaǵalaýyn jetildirý salasynda ózge óńirlerden toǵyz jyl qatarynan ozyq kele jatqandyǵyn kórsetti.
Búgin shyqqan «Bıznesti júrgizý 2012: Bıznesti anaǵurlyq ashyq keńistikte júrgizý» baıandamasynda álemniń 183 elindegi ulttyq kompanııalarǵa áser etetin qadaǵalaý sharalaryna baǵa berilgen jáne atalmysh elderdiń 10 sala boıynsha, sonyń ishinde kásipkerlik qyzmetti qadaǵalaý salasyndaǵy reıtıngisin jasaıdy.
Bıznesti júrgizý úshin anaǵurlym qolaıly jaǵdaılar jasaý jóninde joǵary nátıjelerge ıe bolǵan elderdiń arasynda Eýropa men Ortalyq Azııanyń eki memleketi bar. Olar - Moldova (99 orynnan 81-ge kóterildi) men burynǵy ıÝgoslavııa Respýblıkasy - Makedonııa (34-ten 22 orynǵa joǵarylady). Atalmysh elder úzdik úshtiktiń qataryna endi.
Ótken jyly 24 eldiń 21-i ulttyq kompanııalar úshin retteý normalaryn jaqsartty. Olar tólemge qabiletsizdik problemasyn retteý, qurylysqa ruqsat alý, kelisim sharttardyń oryndalýyn qamtamasyz etý jáne ınvestorlardyń quqyǵyn qorǵaý syndy salalar boıynsha barlyǵy 53 reforma engizdi.
Qazaqstan da bul baǵyttaǵy úderisterden qalys qalǵan joq. «Bıznesti júrgizý - 2012» reıtıngisi boıynsha 47-shi orynǵa kóterildi. Ótken jyly Qazaq eline atalmysh reıtıngtiń 58-shi orny berilgen bolatyn.
