Qazaqstan bıyl qansha tonna astyq jınalmaq - mınıstr jaýaby
«Bıyl shamamen 18-18,5 mln tonna astyq bastyramyz degen josparymyz bar», - dedi mınıstr Ortalyq komýnıkatsııalar qyzmetindegi brıfıng barysynda.
Al QR Aýyl sharýashylyǵy birinshi vıtse-mınıstri Aıdarbek Saparov astyq túsimine kóktemgi egistik jumystarynan bastap, jaıqalyp ósken dándi daqyldy bastyrýǵa deıingi aralyqty qamtıtyn kóptegen faktordyń áser etetindigin alǵa tartady.
«Sondyqtan memleket tarapynan sýbsıdııalaý, arzandatylǵan dızel otynymen qamtamasyz etý, kredıtteý syndy qajetti jaǵdaı jasalyp, barlyǵy der ýaqytynda sheshildi. Buǵan qosa, «Qarapaıym zattar ekonomıkasy« aıasynda qosymsha 100 mlrd teńge bólinip otyr. Jaqsy ónim alý úshin eń aldymen agrotehnologııany saqtaý qajet. Agrotehnologııa - bul eń aldymen sapaly tuqym, tyńaıtqysh jáne tehnıka. Bul máselelerdiń barlyǵy eń joǵary deńgeıde sheshilip jatyr», - dedi birinshi vıtse-mınıstr.