Qazaqstan bıyl qansha astyq eksporttamaq
ASTANA. QazAqparat - Ótken kúntizbelik jyl ishinde Qazaqstan rekordtyq astyq pen undy eksportqa shyǵardy. Bul týraly búgin QR AShM Ósimdik sharýashylyǵy ónimderin óndirý jáne qaıta óńdeý departamentiniń dırektory Azat Sultanov aıtty, dep habarlaıdy QazAqparat tilshisi.
"Eksport boıynsha kórsetkishterimiz jaqsy. 2018-2019 marketıng jylyn alar bolsaq, buǵan deıingi marketıng jylmen salystyrǵanda 1,2 mln tonna astyq pen bıdaı ekvıvalentindegi undy jónelttik. Dál qazirgi ýaqytta, qańtardyń 20-syn alsaq, astyq pen bıdaı ekvıvalentindegi un eksporty 6 mln 831 myń tonnany quraıdy", - dedi A.Sultanov.
Osy rette departament basshy ótken kúntizbelik jyl ishinde Qazaqstan sońǵy 20 jyldyń ishinde rekordtyq kórsetkishke qol jetkizip, 11,6 mln tonna astyq pen bıdaı ekvıvalentindegi undy eksportqa shyǵarǵanyn aıtty. Sonymen qatar aldaǵy marketıng jylyndaǵy Qazaqstannyń eksporttyq áleýeti keminde 9 myń tonna bolatyndyǵyn atap ótip, bıylǵy egin shyǵymyna qatysty boljamymen bólisti.
"Osy jyly da ónim jaqsy bolady dep otyrmyz. Ylǵal deńgeıi jaqsy, sapaly tuqym da beremiz. Sondyqtan ótken jylǵa qaraǵanda túsim joǵary bolady dep boljap otyrmyz", - dedi departament basshysy.
