Qazaqstan bıyl 77 mln. tonna munaı óndiredi

ASTANA. QazAqparat - Qazaqstan bıyl 77 mln. tonnaǵa deıin munaı óndiredi. Bul týraly búgin Úkimettiń selektorlyq rejimdegi otyrysynda QR Energetıka mınıstri Qanat Bozymbaev málim etti, dep habarlaıdy QazAqparat.

«Munaı jáne gaz kondensatyn óndirý kelemi 70,8 mln. tonnany qurady. Bul osy jyldyń josparynan 102,3 paıyz nemese ótken jyldyń sáıkes kezeńimen salystyrǵanda 97,6 paıyz bolyp otyr. Aǵymdaǵy jyly munaı salasyndaǵy kásiporyndardy qoldaý boıynsha qabyldanǵan sharalar, sonymen qatar Qashaǵandy iske qosý munaı óndirýdiń jyldyq josparyn 74-ten 75,5 mln. tonnaǵa deıin jetkizýge múmkindik berdi. Biraq, osy jyldyń boljamy 77 mln. tonnaǵa deıin ósedi dep kútilýde»,- dedi mınıstr.

Onyń derekterine sáıkes, 11 aıda munaı óńdeý kólemi 13,1 mln. tonnany qurady. Al jyldyq jospar 14-15 mln. tonna bolyp otyr.

«Aýyl sharýashylyǵy taýarlaryn óndirýshilerge mindetti jeńildetilgen baǵamen janarmaı jetkizý tolyqtaı oryndaldy. Aǵymdaǵy jyldyń 13 jeltoqsanyndaǵy jaǵdaıǵa sáıkes, munaı bazalaryndaǵy AI-92 jáne 93 benzınderiniń qory 103 myń tonnadan asady. Dızel otyny 155 myń tonnany quraıdy. Qalǵan janarmaı qory ishki suranysty qamtamasyz etýge jetkilikti kólemde bar ári janarmaı quıý stansalarynda tapshylyq baıqalmaıdy», - dedi Bozymbaev.