Qazaqstan bıtýmynyń sapasyna kúdiktenýdiń reti joq - Roman Sklıar
ASTANA. QazAqparat - Qazaqstanda óndirilgen bıtýmnyń sapasyna kúdiktenýdiń reti joq. Bul týraly Parlament Senaty Ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysynda QR IDM vıtse-mınıstri Roman Sklıar málim etti, dep habarlaıdy QazAqparat.
Otyrys barasynda elimizdiń batys óńirinde jol qurylysyna qatysyp júrgen kompanııalar Aqtaýdaǵy bıtým sapasyna shaǵymdanǵany týraly aıtyldy.
«Jalpy elimizde jetkilikti deńgeıde bıtým óndiriledi jáne ony shetelden ımporttamaımyz. Bıtým sapasyn tekseretin bizde arnaıy ǵylymı-zertteý ınstıtýty bar. Onda sońǵy úlgidegi qural-jabdyqtar ornatylǵanyn atap ótken jón. Sondyqtan Aqtaýdaǵy («CaspiBitum» BK» JShS) bıtým zaýyty ónimi sapasyna eshqandaı da shaǵym túsken emes. Múmkin jol qurylysyndaǵy keıbir merdigerler ózderiniń kemshilikterin bıtým sapasyna qaraı burǵysy kelgen shyǵar. Atap aıtqanda, biz turaqty júrgizgen zertteýler nátıjesine súıene otyryp, bıtým sapasy aıtarlyqtaı joǵary deńgeıde dep aıta alamyn», - dedi Roman Sklıar.
Búgingi kúni Qazaqstanda jol bıtýmyn shyǵaratyn 4 negizgi zaýyt jumys istep tur («CaspiBitum» BK» JShS, «Pavlodar munaı-hımııalyq zaýyty» JShS, «Gazpromneft-Bıtým Qazaqstan» JShS jáne «Asfaltobeton 1» JShS).
Aıta keteıik, komıtettiń keńeıtilgen otyrysynda Qaryz týraly kelisimge №2 túzetýlerge qatysty Qazaqstan men HQQDB arasyndaǵy kelisim-hatty ratıfıkatsııalaý týraly zań jobasy talqylandy.
Kelisim-hatty ratıfıkatsııalaý 2015-2019 jyldarǵa arnalǵan «Nurly jol» memlekettik ınfraqurylymdy damytý baǵdarlamasynda kózdelgen avtomobıl joldaryn jańǵyrtý jónindegi shyǵyndardy tıimdi basqarýǵa baǵyttalǵan. Zań jobasy palatanyń qaraýyna jiberildi.
