Qazaqstan bitimgerleri qazir qaı elderde mıssııalaryn atqaryp júr
29 mamyr – BUU Halyqaralyq bitimgerler kúni. Bul kún 1948 jyly «Birikken Ulttar Uıymynyń bitimgerlik sharttarynyń oryndalýyn baqylaý organy» dep atalatyn bitimgerlik operatsııasynyń bastalýyna sáıkes keledi. Dál osy kúni 2002 jyly resmı túrde BUU-nyń Bas Assambleıasy quryldy.
Qazaqstan SІM-de BUU-nyń alǵashqy bitimgerlik mıssııasynyń qurylǵanyna 75 jyl tolýyna oraı QR Qorǵanys mınıstrligi ókilderiniń, BUU elimizdegi ókildiginiń jáne sheteldik dıplomatııalyq korpýstyń qatysýymen shara ótti. Onda uıymnyń mıssııalary aıasynda otandyq bitimgerlerdiń qyzmetine joǵary baǵa berildi.
2000 jyly «Qazaqstan bitimgerler batalony» memlekettik mekemesi týraly erejeni bekitý týraly Úkimet qaýlysy qabyldanǵan. Sol jyly Qazaqstan NATO-nyń «Beıbitshilik jolyndaǵy seriktestik» baǵdarlamasy boıynsha bitimgerlik qyzmetin bastady.
2003 jyldyń tamyzynda Irakqa 27 adamnan turatyn «Qazbattyń» alǵashqy ınjenerlik-saperlik jasaǵy bardy. Bes jyl ishinde qazaqstandyq bitimgerler 4 mıllıonnan astam oq-dári men jarylǵysh qurylǵylardy zalalsyzdandyrdy. Osy ýaqyt ishinde olar jergilikti halyqty aýyz sýmen qamtamasyz etip, muqtaj jandarǵa medıtsınalyq kómek kórsetti.
2014 jyldan bastap BUU-nyń Kot-d' Ivýar, Batys Sahara, Lıvan, Ortalyq Afrıka Respýblıkasy jáne Malıdegi mıssııalaryna shtab ofıtserleri men áskerı baqylaýshylar retinde 60-qa jýyq qazaqstandyq áskerı qyzmetshi, onyń ishinde 6 áıel qatysty.
Elimizdiń bitimgershilik áleýetin nyǵaıtýdaǵy mańyzdy qadam 2018 jyly BUU mandaty negizinde áreket etken alǵashqy qazaqstandyq rotany Lıvanǵa jiberý boldy. Bes jyl ishinde ulttyq bitimgerlik kontıngentiniń jeke quramy 8 márte rotatsııalandy.
Qazirgi ýaqytta Lıvanda – 9, Batys Saharada – 6, Malıde jáne Ortalyq Afrıka Respýblıkasynda 2 qazaqstandyq áskerı qyzmetshi mıssııasyn ótkerýde.
Bitimgerlerdi daıarlaý Qorǵanys mınıstrliginiń Bitimgerlik operatsııalar ortalyǵynyń bazasynda júzege asyrylady.
