Qazaqstan birneshe jyldan beri alǵash ret ýran óndirisin tómendetedi
ASTANA. QazAqparat - Qazaqstan birneshe jyldan beri alǵash ret ýran óndirisin tómendetedi, dep xabarlaıdy QazAqparat.
QR Energetıka mınıstrliginiń keńeıtilgen alqa otyrysynda taratylǵan málimetterge sáıkes, byltyr Qazaqstan 24,6 myń tonna ýran óndirgen. 2017 jyly óndirý kólemi 22,1 tonna bolady dep josparlanǵan.
«Ýrannyń álemdik baǵasy 47 paıyzǵa deıin tómendeýine baılanysty, 2017 jyly onyń óndirisin azaıtý kózdelgen», - dep atap ótti Energetıka mınıstri Qanat Bozymbaev.
Eske sala keteıik, Qazaqstan 2009 jyly ýran óndirisi boıynsha álemde birinshi orynǵa shyqty jáne baǵanyń turaqsyzdyǵyna qaramastan, bul ornyn qazirgi ýaqytqa deıin saqtap keledi. Qazaqstan álemdik ýran óndirisiniń 40 paıyzyn shyǵarýda.
