Qazaqstan birneshe elmen aradaǵy áýe reısterin qysqartpaq

NUR-SULTAN. QazAqparat – Qazaqstan birneshe elmen áýe baılanysyn qysqartpaq. Bul týraly QR Densaýlyq saqtaý vıtse-mınıstri – QR Bas memlekettik sanıtar dárigeri Erlan Qııasov málim etti, dep habarlaıdy QazAqparat tilshisi.

«Tıisti jospar bar jáne ony taıaýda júzege asyramyz. Osy oraıda birneshe baǵyt boıynsha áýe reısterin qysqartý eskerilgen. Bul turǵyda Ýkraına, Germanııa, Belarýs, sondaı-aq BAÁ qamtylmaq. Sonymen qatar buǵan deıin Túrkııamen aradaǵy reısterdi qysqartý týraly jarııalaǵan edik», - dedi vıtse-mınıstr Ortalyq kommýnıkatsııalar qyzmetinde.

Buǵan deıin habarlanǵandaı, Erlan Qııasov koronavırýstyń taralýyna tosqaýyl qoıý boıynsha memlekettik shekaradaǵy sharalar týraly túsindirdi.