Qazaqstan birinshiligine qatysyp jatqan boksshylar dopıng baqylaýynan ótedi
Bul týraly Qazaqstan boks federatsııasynyń keshendi ǵylymı tobynyń úılestirýshisi Ǵalııa Bilálova málim etti.
Osy jumysty tyńǵylyqty atqarý úshin Dopıngke qarsy ulttyq ortalyq qyzmetkerleri Aqtaýǵa at basyn burǵan. Olar sportshylar arasynda ishinara tekseris júrgizbek.
Dopıng máselesi jan-jaqty talqylanǵan semınarǵa barlyq oblystardyń aǵa jattyqtyrýshylary qatysty. Olarǵa Búkilálemdik dopıngke qarsy agenttiktiń 2019 jyldan bastap tyıym salǵan preparattar tizimi týraly baıandaldy.
Sonymen qatar, bapkerler men sportshylarǵa dopıngtik tekserý kezinde qandaı jaıttarǵa nazar aýdarý kerektigi aıtyldy. Mundaı semınarlar oblys ókilderi úshin jyl saıyn el birinshiligi kezinde ótkizilip turady. Al ulttyq qurama músheleri ár oqý-jattyǵý kezinde osy taqyrypty talqylaıdy.
«Qazaqstannyń boks federatsııasy dopıngke múlde tózbeýshilik saıasatyn ustana otyryp, oblystar men aýdandardaǵy bapkerler arasynda da túsindirý jumystaryn júrgizip turady. Kez kelgen sportshy dopıng ofıtserleriniń taban astynan bolatyn tekserýine daıyn bolýy tıis. Ony elimizdiń namysyn qorǵap júrgen bizdiń sportshylar jaqsy túsinedi», - deıdi Ǵalııa Bilálova.