Qazaqstan birinshiliginde 19 jastaǵy boksshy Álem chempıonyn jeńdi

Bapker Marat Jákishevtiń shákirti 26 jastaǵy sport sheberi jáne qazirgi el chempıony Azamat Isaqulov 52 keli salmaqta senimdi túrde kelesi aınalymǵa ótti. Búgingi básekede ol birneshe halyqaralyq jarystardyń jeńimpazy atyraýlyq Rashıd Salaýatovpen kezdesip, jeńiske jetti. Endi ol aqtyq saıysta osy salmaq boıynsha myqtylardyń biri Almaty oblysynyń sportshysy Anvar Mýzaparovpen rıngke shyǵady. Astana Arlans klýbynyń quramyna engen 25 jastaǵy Mýzaparov bıyl Saǵadat Nurmaǵambetovti eske alýǵa arnalǵan týrnır men el chempıonatynda úsh ret jeńiske jetip, altynnan úmitti bolyp otyr.

Taǵy bir oıynda jambyldyq 24 jastaǵy boksshy Aslanbek Shymbergenov pavlodarlyq Aıatolla Tájiqanovty utyp, jartylaı fınalǵa joldama aldy. 2016 jylǵy Azııa chempıony bolǵan 19 jastaǵy Tájiqanov tájirıbeli bokshyǵa laıyqty qarsylas bolyp, ulttyq qurama bapkerleriniń nazaryna ilikti. Endi Shymbergenovtiń kelesi qarsylasy Almaty oblysynyń boksshysy Bekbolat Quramysov bolady. Jartylaı fınalǵa shyqqan ózge jup boıynsha shyǵysqazaqstandyq Qanaǵat Maralov shyqty. Ony ótken jylǵy el birinshiliginde Abylaıhan Júsipov pen Rýstam Shaımerdenovter jeńis jolynan shyǵaryp jibergen edi.

Jartylaı fınalda sondaı-aq ońtústikqazaqstandyq boksshy Nurjan Bekzatov ta óner kórsetetin boldy. Belgili bolǵandaı, ol 19 jastaǵy mańǵystaýlyq sportshy Aıboldy Dáýrenulymen qolǵap túıistiredi. Eger qarsylasyn jeńse Nurjan Bekzatov el chempıony pavlodardyq Oljas Buqaevpen jekpe-jekke shyǵady. Búgin Buqaev qysqa merzimde qostanaılyq jas boksshy Danıl Semenovty oıynnan shyǵaryp jiberdi. Kelesi aınalymda ol astanalyq sportshy Nurbolat Sermahanovpen kezdesetin boldy.

Al, rıng qojaıyna Islam jarysynyń qola júldegeri Sýltan Zaýrbek 60 keli salmaq dárejesinde Olıpıada qatysýshysy, Azııa chempıony Ábdirahmanovpen qolǵap túıistirdi. Alaıda 0:5 esebimen jeńilip qaldy. 31 jastaǵy Ábdirahmanov kelesi aınalymda qazirgi Qazaqstan chempıony Ádilet Qurmetovpen kúsh synasatyn bolady. Osy salmaqtaǵy ekinshi aınalymda halyqaralyq dárejedegi sport sheberi, «Arlan» klýbynyń múshesi 29 jastaǵy Zákir Safıýllın qyzylordalyq Baǵdat Ýaıdaevty tize búktirdi.

Sonymen qatar, eń tartysty jekpe-jekterdiń biri - Olıpıadanyń eki dúrkin kúmis júldegeri Ádilbek Nııazymbetov pen qyzylordalyq Qýandyq Júsiptiń aıqasy boldy. Bul jekpe-jekte Ádilbek Nııazymbetov eshbir qıyndyqsyz 5:0 esebimen tájirıbeli qyzylordalyq boksshyny tize búktirdi. Endi Olımpıadanyń júldegeri el chempıony bolý úshin taǵy eki oıynda jeńiske jetýi tıis.

«Barlyqtaryńyz kórdińizder, Qazaqstan chempıonatyna barlyq jas sportshylar jaqsy daıyndyqpen kelgen. Ózim Olımpıadadan keıingi alǵashqy jekpe-jegimdi oıdaǵydaı aıaqtadym. Alda taǵy eki oıyn bar. El birinshiliginen keıin Azııa chempıonatyna daıyndalýdy josparlap otyrmyn», - dedi Ádilbek Nııazymbetov.

Osy salmaq dárejesinde tanymal boksshy, álem jáne Azııa chempıony, Azııa oıyndarynyń chempıony, Qazaqstannyń úsh dúrkin chempıony Jánibek Álimhanuly kútpegen jerden 19 jastaǵy qostanaılyq sportshy Mıhaıl Kohanchıkten 0:5 esebimen ese jiberip aldy. Jekpe-jekten keıin Mıhaıl Jánibekke jaqsy qarsylas bolǵany úshin alǵysyn aıtty. Jartylaı fınalda Kohanchık mańǵystaýlyq boksshy Bekzat Nurdáýletovpen qolǵap túıistiredi.

2017 jyly Qazaqstan chempıonatyndaǵy jartylaı fınalda qolǵap túıistiretin juptardyń tizimi:

49 keli

Temirtas Júsipov (Aqmola oblysy) - Sabyr Jolaýshıev (Pavlodar oblysy)

Jandos Nesipjan (Aqmola oblysy) - Shalqar Aıqynbaı (OQO)

52 keli

Azamat Isaqulov (Mańǵystaý) - Anvar Mýzaparov (Almaty oblysy)

Abaı Qýandyqov (Aqtóbe oblysy) - Oljas Baınııazov (OQO)

56 keli

Ilıas Suleımenov (Astana) - Nursultan Kósheǵulov (Aqmola oblysy)

Janbolat Qydyrbaev (Jambyl oblysy) - Nurbol Qaljanov (Mańǵystaý oblysy)

60 keli

Ertýǵan Zeınýllınov (Almaty oblysy) - Zakır Safıýllın (OQO)

Ádilet Qurmetov (ShQO) - Berik Abdrahmanov (Mańǵystaý)

64 keli

Qýan Qýatov (Pavlodar oblysy) - Bekdáýlet Ibragımov (OQO)

Sabyrjan Bekbergenov (Aqmola oblysy) - Sanatáli Tóltaev (Almaty)

69 keli

Aslanbek Shymbergenov (Jambyl oblysy) - Bekbolat Quramysov (Almaty oblysy)

Rýstam Shaımerdenov (Qaraǵandy oblysy) - Qanaǵat Maralov (Astana)

75 keli

Saparbaı Aıdarov (Almaty) - Erik Áljanov (Mańǵystaý)

Vladıslav Stolbovskıı (Qaraǵandy oblysy) - Abaı Tólesh (OQO)

81 keli

Ádilbek Nııazymbetov (Mańǵystaý) - Bek Nurmaǵanbet (OQO)

Bekzat Nurdáýletov (Mańǵystaý) - Mıhaıl Kohanchık (Qostanaı oblysy)

91 keli

Anton Pınchýk (Qostanaı oblysy) - Abzal Quttybekov (OQO)

Nurbol Áltaev (Atyraý oblysy) - Erkin Muhamedjan (OQO)

+91 keli

Oljas Buqaev (Pavlodar oblysy) - Nurbolat Sermahanov (Astana)

Aıboldy Dáýrenuly (Mańǵystaý) - Nurjan Bekzatov (OQO)