Qazaqstan «Bir beldeý, bir jol» elderi arasynda Qytaı ınvestıtsııanyń kólemi boıynsha kósh basynda
ASTANA. QazAqparat - Qazaqstan Qytaıdyń Ortalyq Azııadaǵy eń iri saýda seriktesi jáne «Bir beldeý, bir jol» elderi arasynda qytaıdyń ınvestıtsııanyń eń kóp alýshy sanalady. Bul jaıynda QazAqparattyń Qytaıdaǵy arnaýly tilshisi Sadyq Ákejanov habarlady.
«Qazaqstan Qytaıdyń Ortalyq Azııadaǵy eń iri saýda seriktesi sanalady. Osy jyldyń qańtar-shildesinde bizdiń elderimizdiń arasyndaǵy taýar aınalymy 31,2 paıyzǵa ósip, 9,27 mlrd dollardy qurady. Qazirgi ýaqytta Qytaı Qazaqstan ekonomıkasyna 43 mlrd dollar ınvestıtsııa salyp otyr. Dál osy jaıt Qazaqstandy «Bir beldeý, bir el» memleketteriniń arasyndaǵy qytaı ınvestıtsııasyn alýshy eń iri elge aınaldyrdy», - dedi QHR Kommertsııa mınıstrligi Eýropa jáne Azııa departamentiniń bólim bastyǵy ıÝı Hýnchı (Yu Hongchi) Qazaqstannyń EKSPO «Qytaı-ASEAN» kórmesine qatysýyna oraı QR-nyń QHR-daǵy Elshiligi ótkizgen baspasóz máslıhaty barysynda.
Onyń dereginshe, ekijaqty saýdanyń 30 paıyzy energetıkalyq resýrstarǵa tıesili. Qytaılyq kompanııalar Qazaqstanda 30 myńnan astam jumys ornyn quryp otyr.
«Buǵan qosa, aýyl sharýashylyǵy salasyndaǵy yntymaqtastyqtyń artyp kele jatqandyǵy baıqalady. 2016 jyldyń qorytyndysynda Qazaqstan men Qytaı arasyndaǵy agroónerkásip ónimderi boıynsha taýar aınalymy 638 myń tonnaǵa jetip, 40 paıyzǵa jýyq ósim kórsetti. Qytaı Qazaqstannan 295 myń tonna astyq, ımporttady. Bul jańa tarıhı deńgeı sanalady. Tarıhta alǵash ret Qytaıǵa qazaqstandyq un eksporttaldy», - dedi ıÝı Chýnchı.
Munan bólek, qytaılyq sheneýnik eki eldiń arasyndaǵy logıstıkalyq jáne kólik-tranzıttik salalar da qarqyndy damyp kele jatqandyǵyn basa aıtqan.
