Qazaqstan «Bir beldeý, bir jol» bastamasynyń basty flagmany - Baqyt Sultanov
«Búgingi tańda álemdik ekonomıkanyń damýy jahandyq júıeniń tutastyǵyn qurýǵa sep bolatyn kópultty negizge arnalǵan ıntegratsııalyq protsestermen sıpattalady. Halyqaralyq ekonomıkalyq qarym-qatynas jańa sapaly deńgeıge shyǵyp otyr. Bul saýdany yryqtandyrý jáne bıznes júrgizý úshin qolaıly jaǵdaı jasaýǵa negizdeledi. Qazaqstan Respýblıkasy Dúnıejúzilik saýda uıymynyń tolyqqandy múshesi retinde halyqaralyq saýdanyń damýyna járdemdesý, bıznes salasyndaǵy básekege qabilettilikti arttyrý ári ashyqtyqty arttyrý boıynsha belsendi sharalar qabyldaıdy», - dep atap ótti mınıstr.
Onyń atap ótýinshe, kedendik protsedýralardy jeńildetý jáne úılestirý týraly halyqaralyq konventsııanyń, Ýaqytsha tasymal týraly Ystanbul konventsııasynyń erejeleri men prıntsıpterin basshylyqqa ala otyryp, Qazaqstannyń keden qyzmeti qolaıly ınvestıtsııalyq jáne kásipkerlik ahýaldy jaqsartý baǵytynda sharalar qabyldaýda.
«Buǵan qosa, bizdiń respýblıka «Beldeý jáne jol» bastamasynda atalǵan bastamanyń ınvestıtsııalyq benefıtsıary retinde ǵana emes, sonymen birge múddelik tanytatyn basty konnektorlardyń biri retinde aıryqsha orynǵa ıe. Buǵan qosa, Qazaqstan barlyq bastamalardyń ózindik haby retinde «Beldeý jáne jol» jobasynyń kórnekti flagmany sanalady», - dep atap ótti Baqyt Sultanov.
