Qazaqstan byltyr 7 mlrd dollardyń aýylsharýashylyq ónimin eksporttaǵan

ASTANA. KAZINFORM — Aýyl sharýashylyǵy mınıstriniń orynbasary Erbol Tasjúrekov ortalyq kommýnıkatsııalar qyzmetinde ótken baspasóz máslıhatynda astyqty tereń óńdeýge 1,9 trln teńge ınvestıtsııa tartylatynyn aıtty.

— Qaıta óńdeý kóleminiń ósýi eldiń eksporttyq áleýetiniń artýyna tikeleı áser etedi. 2025 jyldyń qorytyndysy boıynsha qaıta óńdelgen ónim eksporty 3,6 mlrd dollar bolyp, ótken jylmen salystyrǵanda 35% ósti. Jalpy alǵanda agroónerkásip kesheni 7 mlrd dollardyń ónimin eksporttap, ótken jyldyń kórsetkishinen 37% joǵary nátıje tirkedi, — dedi Erbol Tasjúrekov.

Sondaı-aq, ol maıly daqyldardy qaıta óńdeý salasynda 94 mlrd teńgeniń 13 jobasy iske asyrylatynyn aıtty.

— Astyqty tereń óńdeý baǵytynda 1,9 trln teńgeniń 6 iri jobasy josparlanǵan. Sút salasynda 41 mlrd teńgeniń 12 joba iske qosylyp, qosymsha 165 myń tonna qaıta óńdeý qýaty iske qosylady, — dedi vıtse-mınıstr.

Buǵan deıin Premer-mınıstr Oljas Bektenov et eksportyna engizilgen shekteý qashan alynatynyn aıtty.