Qazaqstan bilimdi qarjylandyrýda EYDU elderi kórsetkishterine jetti
ASTANA. QazAqparat - Qazaqstan bilim berý salasynda qarjylandyrýda Ekonomıkalyq yntymaqtastyq jáne damý uıymy elderiniń kórsetkishterine jetti. Bul týraly búgin QR Parlamenti Májilisiniń depýtaty Ýálıhan Bıshimbaev málim etti.
«Qazaqstanda bilim berý men mamandar daıyndaýda bizderdiń EYDU elderi kórsetkishterine qol jetkizýimiz úshin barlyq jaǵdaı jasalýda. Búginde JІÓ-niń shamamen 4 paıyzy bilim berýge bólinedi. Al EYUD elderinde bilim berýge 4,5 paıyz shyǵyndalady. ıAǵnı, biz bul kórsetkishke jetip qaldyq», - dedi ol.
Onyń aıtýynsha, sońǵy 7-8 jyldyń ishinde elimizdegi bilim berý salasyna quıylǵan qarjy eselenip, 1,5 trln. teńgege jetken.
«Bizdiń mindetimiz - jumys berýshi men óndiristiń bilim berý júıesimen birlese jumys atqaryp, tyǵyz baılanysta bolýy úshin bilim berýdegi teńsizdikterdi sheshýde olarnyń sebepterin anyqtaý. Bizderge jumys berýshi qarjy quıýýy úshin kadrlardy daıyndaýda bilim men jumys berýshiniń teń jaýapkershiligi júıesin qurý qajet. Jetekshi elderge bilim salasynda 30 paıyzǵa deıin qarjy quıylsa, bizde ol shamamen 1 paıyzdy ǵana quraıdy», - dedi Ý.Bıshimbaev.
