Qazaqstan bilim berýdi damytý ındeksinde kóshbasshy elderdiń tórttiginde tur

Búgin 1 maýsym - Balalardy qorǵaý kúnine oraı Parlament Májilisinde «Zańnama jáne tájirıbedegi qazaqstandyq balalardy jan-jaqty qorǵaý jolynda» atty taqyrypta ótip jatqan halyqaralyq konferentsııa barysynda Májilis tóraǵasynyń orynbasary Baqtyqoja Іzmuhambetov osylaı málim etti.

«Qazaqstan balalyq shaqty adam ómiriniń asa mańyzdy kezeńi retinde sanaıdy. Dál osy qaǵıdattardan balanyń qoǵamdaǵy tolyqqandy ómirin qamtý quqyǵy basymdyqqa ıe bolyp otyr. Sondyqtan da, Qazaqstan jyl saıyn memlekettik bıýdjettiń bilim berýge, densaýlyq saqtaýǵa, áleýmettik qorǵaýǵa arnalǵan shyǵystaryn arttyryp keledi. Jáne bul da óziniń nátıjelerin berýde. Máselen, Qazaqstan ıÝNESKO monıtorıngi jumysymen aınalysatyn bilim berýdi damytý ındeksi boıynsha kóshbasshy elderdiń tórttiginde», - dedi vıtse-spıker.

Onyń aıtýynsha, reıtıngtiń bundaı joǵary kórsetkishine elimizdegi  mektepke deıingi daıyndyq pen orta bilimniń mindettiligi ári tegin bolýy  zor yqtımal etip otyr. «Balalar oqýy, olardyń barshasyna  beriletin bilimniń qoljetimdi bolýy biz úshin qalypty jaǵdaı sekildi kórinýi múmkin, alaıda keıbir elderde másele múldem bólek. Al ekonomıkasy jetkilikti túrde qýatty bola tura bilim alý men onyń qoljetimdiligine qatysty aıtarlyqtaı problemalary bar elder de barshylyq», - deıdi Baqtyqoja Іzmuhambetov