Qazaqstan bıligi kásipkerlerdi baǵany ósirmeýge shaqyrdy

NUR-SULTAN. QazAqparat - Qazaqstan bıligi kásipkerlerdi baǵany ósirmeýge úndedi, dep habarlaıdy QazAqparat.

Búgin tańerteń Aqorda qazaqstandyqtarǵa taǵy bir SMS habarlama joldady. Onda kásipkerlerge ótinish aıtylǵan.

«Qurmetti kásipkerler! Qazirgideı qıyn sátte sizderdi azamattyq tanytyp, halyq úshin baǵany kótermeýge shaqyramyz» delingen habarlamada.

Eske sala keteıik, keshe Saýda jáne ıntegratsııa mınıstrligi elde azyq-túlik qory jetkilikti ekenin málimdegen bolatyn.

Sondaı-aq Básekelestikti qorǵaý jáne damytý agenttigi áleýmettik mańyzy bar azyq-túlik baǵasyn kúndelikti baqylýyna aldy.