Qazaqstan bılıardtan Almatydaǵy álem chempıonatynda «altyn quramany» shyǵarady
ASTANA. QazAqparat - 5-8 sáýir kúnderi Almatyda bılıardtyń «dınamıkalyq pıramıda» baǵytynan álem chempıonaty ótedi, dep habarlaıdy «SPORTINFORM» SAA týrnırdiń uıymdastyrý komıtetine silteme jasap.
Onda erler setkasynda 64 oıynshy, al áıelder jarysynda 32 oıynshy baq synaıdy. Týrnırde jastarmen qatar ıAroslav Tarnovetskıı (Ýkraına), Sergeı Kryjanovskıı (Moldova), Artýr Pıvchenko (Ýkraına), Nıkıta Lıvada (Reseı), Qanybek Saǵynbaev (Qyrǵyzstan), Vladıslav Osmının (Reseı) jáne Leonıd Shvyrıaev (Reseı) sııaqty álemdik bılıard juldyzdary da qatysady.
Qazaqstan osy álem chempıonatyna úsh dúrkin álem chempıony, Eýropa jáne Azııa chempıony Álıhan Qaraneev, álem chempıondary - Ernar Shymbaev, Álibek Omarov sııaqty oıynshylardan quralǵan «altyn» quramasyn shyǵarady. Budan tys, respýblıka chempıony ataǵyn jýyrda ǵana jeńip alǵan Arbı Mýrtsıev te qatysýy múmkin.
QR Bılıard sporty federatsııasynyń prezıdenti Ańsar Qaraneevtiń aıtýynsha, týrnırdiń syılyq qory 12 mıllıon teńge.
