Qazaqstan bıyl 98 mln tonna munaı óndirýdi josparlap otyr
ASTANA. KAZINFORM – Jyl basynan beri elimizde munaı óndirý kólemi 45,7 mln tonnany qurady. Bul ótken jyldyń sáıkes kezeńimen salystyrǵanda 91,6 paıyzǵa teń.
Bul týraly Úkimet otyrysynda Qazaqstan Respýblıkasy Energetıka mınıstri Erlan Aqkenjenov málimdedi.
Mınıstrdiń aıtýynsha, munaı óndirý kólemin arttyrý maqsatynda qazirgi ýaqytta iri jer qoınaýyn paıdalanýshylarmen kelissózder júrgizilip jatyr.
– Qashaǵan ken ornynda buǵan deıin qysqarǵan óndiris kóleminiń ornyn toltyrý úshin josparly-aldyn alý jóndeý jumystary keıinge shegerildi. Bul 2 mln tonnaǵa deıin munaı óndirýge múmkindik beredi, – dedi Erlan Aqkenjenov.
Mınıstrdiń sózinshe, bıyl munaı óndirý boıynsha jalpy shyǵyn kólemi 4,9 mln tonnadan 3,3 mln tonnaǵa deıin qysqartylǵan.
- Jalpy, osy jyly munaı óndirý kólemi 98 mln tonna bolady dep boljanyp otyr. Al alty aıdaǵy kórsetkish 8,98 mln tonnany qurap, ótken jyldyń sáıkes kezeńindegi kórsetkishtiń 97,9 paıyzyn kórsetti, - dedi ol.
Aıta keteıik, munaı baǵasy bir aptada 10%-dan astam ósti.
