Qazaqstan bıdaı men un eksportyna shekteý qoıdy
«Іshki naryqta tapshylyq týdyrmaý úshin jáne un tartatyn kásiporyndarǵa júktemeni azaıtý maqsatynda Syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııa 15 sáýir men 15 maýsym aralyǵynda bıdaı men un eksportyn kvotalaý sheshimin qabyldady. Bıdaı kvotasynyń kólemi – 1 mln tonna, un – 300 myń tonna (...) Osylaısha, un eksportyn shekteý jumystaryn kvotalaý arqyly engizip jatyrmyz. 2,5 mln tonnanyń bári eksportqa ketip qalmaý úshin bir ǵana mıllıon tonnaǵa kvota engizdik», - dedi A. Saparov ortalyq kommýnıkatsııalar qyzmetinde ótken baspasóz máslıhatynda.
Sondaı-aq ishki naryqtaǵy naqty jaǵdaıdy baǵalaý úshin Mınıstrlik QR Strategııalyq josparlaý jáne reformalar jónindegi agenttiginiń Ulttyq statıstıka bıýrosymen jáne jergilikti atqarýshy organdarmen birlesip, óńirlerde bıdaıdyń bar-joǵyn túgendeý jumystaryn bastady.
«Osylaısha Úkimet ishki naryqty áleýmettik mańyzy bar azyq-túlik taýarlarymen tolyqtyrý sharalaryn bastady», - dedi Aıdarbek Saparov.
Buǵan deıin Astyq óńdeýshiler odaǵy elimizde bir jarym aptaǵa ǵana jeterlik bıdaı qory qalǵanyn málimdegen edi. Astyq ósirýshiler men óńdeýshiler bıdaıdy bólise almaı daý týǵany, bıdaı taýsylsa barlyq dıirmender jumysyn toqtatýǵa májbúr ekeni aıtylǵan.
Óz kezeginde Aıdarbek Saparov elde eshqandaı astyq tapshylyǵy joq ekenin habarlady. 1 sáýirdegi jaǵdaı boıynsha respýblıkada 6,4 mln tonna astyq bolǵan.
