Qazaqstan bıatlonshylary álem kýbogynda besinshi orynǵa turaqtady
ASTANA. QazAqparat - Fınlıandııanyń Kontıolahtı qalasynda bıatlonnan ótken Álem kýbogynyń segizinshi kezeńi aıasynda sýpermıkst básekelerinde jerlesterimiz besinshi orynǵa ıe boldy, dep habarlaıdy QazAqparat tilshisi.
Jekeleı aralas estafetada Qazaqstan namysyn Galına Vıshnevskaıa men ıAn Savıtskıı qorǵady. Bul synda bas júldeni aýstrııalyq (Lıza Haýzer, Sımon Eder) - 31:35.1 komanda jeńip alsa, ekinshi oryndy AQSh (Sıýzen Danklı, Loýell Beılı) quramasy qanjyǵasyna baılady. Al úzdik úshinshi oryn Germanııa (Laýra Dalmaıer, Roman Rees) quramasyna buıyrdy. Al bizdiń komandamyz besinshi orynǵa turaqtady.
Esterińizge sala keteıik, Shvetsııa eliniń Estersýnd qalasynda ótken kezeńde de dál osy quram besinshi orynnan kóringen bolatyn.
