Qazaqstan beıbit sheshimderdi qabyldaıtyn alańǵa aınaldy – Senator
20 qarashada Memleket basshysy Qasym-Jomart Toqaevtyń saılanǵanyna bir jyl toldy. Osyǵan baılanysty Senator Ǵalıasqar Sarybaev pikir bildirdi.
«20 qarashada Prezıdent Qasym-Jomart Kemelulynyń saılanǵanyna bir jyl toldy. Osy ýaqyt aralyǵynda Memleket basshysynyń saılaýaldy baǵdarlamasyndaǵy Ádiletti memleket, Ádiletti ekonomıka, Ádiletti qoǵam qaǵıdattarynyń oryndalýynyń alǵysharttary tolyǵymen júzege asty.
Syrtqy jáne ishki saıasatta, áleýmettik-ekonomıkalyq, gýmanıtarlyq rýhanı salalarda zańdar qabyldandy. Sot, prokýratýra, quqyq qorǵaý, qorǵanys jáne qaýipsizdik baǵytynda is-sharalar júzege asty.
BUU ornyqty damý kórsetkishterine jetý úshin Parlamentte arnaıy komıssııa quryldy, Ulttyq quryltaı, zańzyz alynǵan aktıvterdi qaıtarý boıynsha arnaıy qurylym jumysyn bastady.
Qazaqstan beıbit sheshimderdi qabyldaıtyn alańǵa aınaldy. Árıne, bir jylda kóp sharýa atqaryldy, alda taǵy da aýqymdy jumystar kútip tur», - dedi Senat depýtaty.
