Qazaqstan beıbitshilik pen dostyqtyń energııasyn taratyp tur - Kolýmbııalyq fızık
ASTANA. QazAqparat - Qazaqstan beıbitshiliktiń, kelisimniń jáne dostyqtyń energııasyn taratyp tur. Bul jaıynda QazAqparat tilshisine bergen suhbatynda Fızıka boıynsha 45-shi Halyqaralyq olımpıadaǵa (IRho) qatysqan kolýmbııalyq meıman Denıel Fahardo málim etti.
«Bárinen buryn maǵan qazaqstandyqtardyń jaıdary minezi, jyly shyraılylyǵy men qonaqjaılylyǵy esimde qalyp otyr. Maǵan Qazaqstanda qatty unady, ásirese Astananyń ásemdigi men qazirgi zamanǵy kelbeti maqtaýǵa laıyq», - deıdi kolýmbııalyq fızık.
Sonymen qatar Kolýmbııa ókili Qazaqstan IRho-ny ótkizýge úlken jaýapkershilikpen qaraǵanyn aıta kele, memlekettiń ǵylymdy qoldaý men damytýǵa degen qadamdaryn oń baǵalady.
«Qazaqstannyń gúldene berýin tileımin. Barsha qazaqstandyqtardyń densaýlyǵy myqty bolyp, árqashan da osyndaı jyly shyraıly ári qonaqjaıly bolyp qala berińizder», - dep túıdi Denıel Fahardo.
