Qazaqstan bes elmen erkin saýda aımaǵy týraly kelissóz júrgizýde
ASTANA. QazAqparat - Qazaqstan erkin saýda aımaǵy týraly kelisimge qol qoıý kelissózderin Mysyr, Izraıl, Úndistan, Serbııa jáne Sıngapýrmen júrgizip jatyr. Bul týraly Parlament Senatyndaǵy Úkimet saǵatynda QR Ulttyq ekonomıka mınıstri Tımýr Súleımenov málim etti, dep habarlaıdy QazAqparat.
«Qazaqstannyń EAEO-ǵa qatysýy otandyq óndirýshilerdiń syrtqy naryqtarǵa shyǵýy úshin qolaıly jaǵdaı jasaıdy. Bul óz kezeginde úshinshi eldermen artyqshylyqty saýda týraly kelisimdi bekitý arqyly júzege asyrylady. 2015 jyly erkin saýda aımaǵy týraly qujatty Vetnammen, 2018 jyly Iranmen bekittik. Osy oraıda 180 mln halqy bar naryqqa taýar jetkizýge múmkindik ashyldy», - dedi T. Súleımenov.
Osy oraıla ol osy tektes kelisimderdi Mysyr, Izraıl, Úndistan, Serbııa jáne Sıngapýrmen bekitý boıynsha kelissózder júrip jatqanyn jetkizdi.
«Mundaı kelisimder otandyq taýarlardy atalǵan elderge jetkizý jaǵdaıyn jaqsartady, sondaı-aq qoldanystaǵy saýda rásimderin aıtarlyqtaı jeńildetedi», - dedi vedomstvo basshysy.
