Qazaqstan benzınmen tolyq qamtamasyz etilgen — Erlan Aqkenjenov

ASTANA. KAZINFORM — Úkimettegi baspasóz máslıhaty barysynda QR Energetıka mınıstri Erlan Aqkenjenov Reseı Federatsııasynyń Aı-92 jáne Aı-95 markaly benzınniń eksportyna kezekti shekteý engizýi týraly pikir bildirdi. Bul týraly Energetıka mınıstrligi málim etti.

Mınıstrdiń aıtýynsha, Reseı osyndaı sharalardy qatarynan úshinshi jyl qabyldap otyr. Alaıda bul shekteýler ındıkatıvtik teńgerimder sheńberinde úkimetaralyq kelisimderge qol qoıǵan elderge qatysty emes. Qazaqstan — sol elderdiń biri. Qujatqa sáıkes, elimizge 285 myń tonna benzın eksporttaýǵa kvota berilgen.

— Іshki naryqtaǵy jaǵdaı turaqty. Qazaqstan ózin benzınmen tolyq qamtamasyz etip otyr. Tipti, tarıhta alǵash ret 70 myń tonnadan astam benzın eksporttadyq — bul jetkizý men óndirýde eshqandaı irkilistiń joq ekenin dáleldeıdi, — dedi Erlan Aqkenjenov.

Mınıstr elimizde janarmaı tapshylyǵy joq ekenin atap ótti, degenmen munaı ónimderiniń zańsyz shyǵarylýyna jol bermeý úshin baqylaýdy kúsheıtý qajet.

Al Qazaqstandaǵy benzın, dızel jáne avtogaz baǵasy qandaı ekenin bilgińiz kelse myna siltemeden oqyńyz.