Qazaqstan Belgııanyń Mýzykalyq aspaptar murajaıyna jetigendi syıǵa tartty

Bul aspaptardy QR Elshiligi «Kreatıvti ındýstrııalardy damytý qorymen» birlesip syıǵa tartty. Saltanatty rásim barysynda jergilikti mýzykanttar aspapta áýender oryndap, ol kórmege qoıylmas buryn murajaıǵa kelýshilerge onyń dybystalýyn tanystyrdy.

Bıylǵy jyldyń basynda dombyra men sazsyrnaı murajaıdyń turaqty kollektsııasynyń bir bóligine aınalyp jáne sandyq túrde — onlaın katalog pen aýdıogıd túrinde qoljetimdi bolady. Murajaıǵa kelýshiler árbir aspaptyń oınalýyn tyńdap, olardyń shyǵý tegi men mádenı mańyzy týraly bile alady.

Belgııa mýzykalyq aspaptar murajaıy (MIM) — 1877 jyly qurylǵan Koroldik óner jáne tarıh murajaılarynyń bir bóligi jáne búginde shamamen 8 myń aspaptan turatyn keń kollektsııasy, sondaı-aq Brıýsseldiń sáýlet eskertkishteriniń biri bolǵan tarıhı ar-nývo ǵımaratynyń arqasynda álemdegi jetekshi mýzyka murajaılarynyń biri sanalady.

Qazaqstannyń Belgııadaǵy elshisi Roman Vasılenko elimizdiń basqa elder sııaqty mádenı dıplomatııany uzaq ýaqyt boıy ilgeriletip otyrǵanyn atap ótti. 

— Nelikten muny Belgııanyń astanasy jáne Eýropalyq odaq astanasy Brıýsselde jasaý mańyzdy? Óıtkeni munda Eýropalyq odaqtyń búkil álemdegi saıasatyn, ekonomıkasyn anyqtaıtyn kóptegen uıym, EO-nyń kóptegen basqarýshy organy shoǵyrlanǵan, — dep málimdedi ol.

Roman Vasılenkonyń aıtýynsha, Brıýsselde mádenı ártúrliliktiń keń aýqymyn bildiretin birneshe myń sheteldik ókil turyp, jumys isteıp júr. 

— Sondyqtan Shanyrak Fest Brussels nemese jetigen mýzykalyq aspabyn Koroldik mýzykalyq aspaptar murajaıyna tanystyrý sııaqty is-sharalar bizdiń elder arasynda jańa kópirler salýǵa jáne qazaqstandyq mádenıet pen dástúrlerimizdi tereńirek túsinýge yqpal etetini sózsiz, — dedi dıplomat.

Osyǵan deıin Belgııanyń Brıýgge qalasynda Naýryz merekesi toılanǵanyn jazdyq.