Qazaqstan – Belgııa matchyn qaıdan kórýge bolady

ALMATY. KAZINFORM – 7 qyrkúıekten 8 qyrkúıekke qaraǵan túni Brıýsselde fýtboldan 2026 jylǵy álem chempıonatynyń irikteý kezeńi aıasynda Qazaqstan men Belgııa quramalary kezdesedi.

Oıyn Qazaqstan ýaqyty boıynsha saǵat 23:45-te bastalady. Matchty Qazsport arnasynan tikeleı efırde kórýge bolady.

Іrikteýde úsh oıyn ótkizgen Belgııa jeti upaı jınady jáne keıingi kezdesýde Lıhtenshteındi 6:0 esebimen jeńdi.

Qazaqstan quramasy irikteý kezeńinde tórt oıyn ótkizdi. Qazirgi esepte úsh upaıy bar: Lıhtenshteındi 2:0 esebimen jeńdi, alaıda Ýelske (1:3) jáne Soltústik Makedonııaǵa (0:1) ese jiberdi.

Eske salaıyq, buǵan deıin Qazaqstan ulttyq quramasynyń bas bapkeri Álı Álıev Ýelske qarsy ótken oıynnyń nátıjesin qorytyndylaǵan edi.