Qazaqstan Belfasttaǵy Búkilálemdik polıtseıler men órt sóndirýshiler oıyndarynda alǵashqy altyn medalǵa qol jetkizdi
ASTANA. 6 tamyz. QazAqparat - Soltústik Irlandııada ótip jatqan 15-shi Búkilálemdik polıtseıler men órt sóndirýshiler oıyndarynda Qazaqstan quramasy qorjynyna alǵashqy altyn medal saldy.
Dzıýdoshylar arasyndaǵy jarys Shyǵys Qazaqstan oblysynan kelgen Ashat Elýbaev úshin sátti boldy.
Komandanyń baspasóz qyzmetinen Rınat Tasbolatov habarlaǵandaı, ShQO ІІD «Arlan» arnaıy bóliminiń 25 jastaǵy ınspektory 90 keli salmaq dárejesinde synǵa túsken. Jarystyń aqtyq synynda Ashat rýmynııalyqpen kezdesti. Beldesýdiń sońǵy sekýndtarynda qazaqstandyq atletshi qarsylasyn jerge alyp uryp, qaıta turǵyzbady.
Eske sala ketsek, 100 keliden artyq salmaq dárejesinde astanalyq Talǵat Qojabaev kúmis júldege ıe bolǵan edi, al Ońtústik Qazaqstannan kelgen Asqar Jandarov qola júldeni qanaǵat tutty. Osylaısha, dzıýdoshylar arasyndaǵy saıysta Qazaqstan quramasy úsh medalǵa ıe boldy.
Búgin benchpress, pýshpýddıftıng pen armrestlıng syndarynda Qazaqstan quramasynyń kóshbasshysy astanalyq Serik Nurǵalıev baq synaıdy.
