Qazaqstan-Belarýs iskerlik keńesiniń otyrysy ótti
QR Belarýstegi Elshiliginiń qoldaýymen uıymdastyrylǵan otyrysta «Atameken» QR Ulttyq Kásipkerler palatasy basqarma tóraǵasynyń orynbasary Narıman Ábilshaıyqov, Qazaqstannyń syrtqy saýda palatasynyń basqarma tóraǵasy Aıan Erenov, Belarýs Respýblıkasynyń Qazaqstan Respýblıkasyndaǵy Elshisi Pavel Ýtıýpın, Belarýs Saýda-Ónerkásip palatasynyń tóraǵasy Vladımır Ýlahovıch, eki eldiń Aýyl sharýashylyǵy mınıstrlikteriniń jáne Belarýs ámbebap taýar bırjasynyń ókilderi sóz sóıledi. Keńes jumysyna eki memlekettiń isker toptarynyń ókilderi de qatysty.
Aǵymdaǵy jyly álemdik ekonomıkalyq daǵdarysqa jáne COVID-19 pandemııasyna baılanysty álemdik saýdadaǵy kólemniń tómendeýi baıqalady, ol Qazaqstan men Belarýs arasyndaǵy saýdaǵa da keris áserin tıgizdi. Belarýs Respýblıkasynyń Statıstıka komıtetiniń derekterine sáıkes, 2020 jylǵy qańtar-qyrkúıekte bizdiń elderimizdiń arasyndaǵy taýar aınalymy 9,2%-ǵa tómendep, 604,4 mln dollardy qurady, Qazaqstannan Belarýske taýarlar eksporty 24,3%-ǵa tómendep, 73,7 mln AQSh dollaryn qurady, Belarýsten Qazaqstanǵa ımport 4,2%-ǵa 530,7 mln dollarǵa deıin azaıdy. Nátıjesinde, Qazaqstan úshin ózara saýdada aǵymdaǵy jyly 456,9 mln AQSh dollary kóleminde teris saýda saldosy qalyptasty.
Іskerlik keńes barysynda ózara taýar aınalymyn arttyrý jáne iskerlik yntymaqtastyqty keńeıtý máseleleri kóterildi. Bul úshin qajetti áleýet bar ekeni, Qazaqstan men Belarýs naryqtary belsendi damyp kele jatqany, al olardaǵy jumys jaǵdaılary jyldan jylǵa jaqsaryp kele jatqany atap ótildi. Osylaısha, Dúnıejúzilik banktiń Bıznesti júrgizý jeńildigi (Doing Business) reıtınginde Qazaqstan 25-oryn alady (pozıtsııasy 3 tarmaqqa jaqsardy) jáne bıznesti júrgizý jaǵdaılaryn jaqsartý jónindegi jumys jalǵasýda.
