Qazaqstan Belarýs elimen birigip, aýyl sharýashylyǵy mashınalaryn jasaıdy
«Búgingi forýmda mashına jasaý, jeńil ónerkásip, tamaq ónerkásibi jáne farmatsevtıka salalary boıynsha kelisimder jasalady. ıAǵnı Belarýs respýblıkasynyń iri kásiporyndarymen kelissóz júrgiziledi dep kútilýde. Qazirgi tańda Qazaqstan men Belarýs eli arasyndaǵy qarym-qatynas barlyq baǵyttar boıynsha damýda. Sonyń dáleli - búgin ótip jatqan forým eki el arasyndaǵy ekonomıkalyq qarym-qatynasty nyǵaıtyp, birikken ınvestıtsııalyq jobalardy júzege asyrýǵa túrtki bolady. Bul elmen kelisim jasaýda basty basymdyq mashına jasaý jáne jeńil ónerkásipke beriledi. Sebebi Belarýs respýblıkasynyń bizdiń elge ınvestıtsııa quıýǵa qyzyǵýshylyǵy joǵary. Biz buǵan deıin de kezdesýler ótkizip, birneshe kelisimge qol jetkizgen edik», - deıdi «Kazakh Invest» ulttyq kompanııasynyń menedjeri Baqytbek Qabjanov.
Onyń aıtýynsha, atalǵan forýmǵa 200 adam qatysyp jatyr. Onyń aıasynda 75 mln AQSh dollaryn quraıtyn 15 kelisimge qol qoıylady dep kútilýde.
«Belarýs elin Qazaqstanda ne qyzyqtyrady degen suraqqa kelsek, ol aldymen agroónerkásiptik keshen. Odan bólek, bıyl eki el BelAz, samosval jáne traktordy birigip jasaý jobasy qolǵa alynady. Osy oraıda búgingi sharaǵa Qazaqstan jaǵynan 130 bıznesmen, Belarýs elinen 50 bıznesmen qatysyp jatyr», - dedi ol.
«Kazakh Invest» ulttyq kompanııasynyń deregine súıensek, ótken jyly eki el arasyndaǵy saýda aınalymy 712 mln AQSh dollaryn qurady. Jáne qazirgi ýaqytta Qazaqstan – Belarýs kapıtalynyń qatysýymen 350-den astam kásiporyn jumys isteýde.
