Qazaqstan Belgııamen birqatar salada ınvestıtsııalyq jobalardy júzege asyrýǵa múddeli
ASTANA. 22 qazan. QazAqparat - Qazaqstan Belgııamen birqatar salada ınvestıtsııalyq jobalardy júzege asyrýǵa múddeli. Bul týraly búgin Aqordada Qazaqstanǵa jańadan taǵaıyndalǵan birqatar shetel elshisinen Senim gramotasyn qabyldaǵan Elbasy Nursultan Nazarbaev aıtty.
Elimizdiń Belgııa Koroldigimen ózara qarym-qatynasy barlyq deńgeıde ornyqty damyp kele jatqandyǵyn basa aıtqan Elbasy: «Biz birlesip energetıka, ındýstrııa, ınnovatsııa, ekonomıkalyq tehnologııa, ǵylymı-zertteý jumysy salalarynda ınvestıtsııalyq jobalardy júzege asyrýǵa múddelimiz. Qazaqstan men Belgııa arasyndaǵy ózara tıimdi yntymaqtastyq Belgııanyń jańa Koroli uly mártebeli Korol Fılıptiń qoldaýy arqyly odan ári damıdy dep senemiz», - dedi.
