Qazaqstan baıraǵy álemdegi eń úzdik memlekettik tý dep tanyldy
ASTANA. KAZINFORM — Reddit platformasyndaǵy Flags of the World Tournament onlaın-týrnırinde qoldanýshylarynyń basym bóligi Qazaqstan týyna daýys berdi.
Atalǵan baıqaýda memlekettik baıraqtardyń ásemdigine mán berildi. Nátıjesinde, Qazaqstan týymen ózge elderdiń memlekettik rámizderi teńese almady.
— Qazaqstan — bizdiń chempıon! Barshańyz daýys berip, bul álemdegi eń úzdik tý dep sheshtińizder! — delingen jarııalanymda.
Ekinshi orynǵa Kırıbatı týy, al úshinshi orynǵa Býtan baıraǵy laıyq dep tanyldy.
Týrnırde 64 eldiń týy qarastyryldy. Ár raýndta baıraqtar daýys berý arqyly kelesi kezeńge ótip otyrdy. Ótpegenderi baıqaýdan shyǵyp qaldy. Altynshy raýndta, ıaǵnı fınalda Qazaqstan baıraǵy Kırıbatı rámizinen basym tústi.
Sondaı-aq Seıshel araldarynyń, Ulybrıtanııanyń, Brazılııanyń, Shrı-Lankanyń, ıAmaıkanyń jáne Papýa — Jańa Gvıneıanyń týlary da jaqsy daýys jınap, sońǵy raýndtarǵa deıin jetti.
Aıta keteıik, buǵan deıin Qazaqstan Ortalyq Azııada «jumsaq kúsh» jahandyq reıtınginde kósh bastaǵanyn jazǵanbyz.
