Qazaqstan baıqaýshylary AQSh-taǵy prezıdenttik saılaýǵa qatysady - A.Ábıbýllaev
ASTANA. 6 qarasha. QazAqparat - Qazaqstannyń baıqaýshylary AQSh-ta ótetin prezıdenttik saılaýdy baıqaýǵa qatysa alady.
Bul týraly jýrnalısterge arnalǵan brıfıngte QR SІM-niń resmı ókili Altaı Ábıbýllaev málim etti.
«The New American-nyń Qazaqstan baıqaýshylarynyń AQSh-taǵy prezıdenttik saılaýǵa qatysýy týraly jarııalanymyna qatysty. Bul jekelegen amerıkandyq basylymnyń redaktorlyq pikiri jáne basylymnyń ustanymyna qatysty pikir bildirýdi orynsyz jáne jónsiz dep sanaımyn. Onymen bir mezgilde saılaýda baıqaýshy bolý boıynsha EQYU-nyń qaǵıdattary men mindetteri barlyq elder úshin birdeı ekendigin atap ótken jón»,- dedi qazaqstandyq SІM-niń ókili.
Onyń aıtýynsha, EQYU amerıkandyq taraptyń qatysýymen qabyldanǵan jáne bekitilgen reglament pen jalpy erejelerge sáıkes ártúrli elderden baıqaýshylardyń quramyn óz betinshe qalyptastyrady, sonyń ishinde Qazaqstannyń. AQSh-tyń saılaýǵa baıqaýshylardyń qatysýyna qatysty Uıymnyń aldynda sondaı-aq mindettemeleri bar.
