Qazaqstan baıdarka men kanoe esýden Azııa chempıonatynda «altyn» aldy
NUR-SULTAN. QazAqparat - Osy kúnderi Taılandta baıdarka men kanoede esýden Azııa chempıonaty ótip jatyr. Qazaqstan quramasy bul básekede altyn medal jeńip aldy, dep habarlaıdy QazAqparat QR Ulttyq olımpıada komıtetine silteme jasap.
Sportshylarymyz 1000 metr qashyqtyqqa qos baıdarkamen esýden jeńis tuǵyrynyń birinshi satysyna kóterildi. Baǵdarlamanyń bul túrine el atynan Aleksandr Emelıanov pen Kırıll Týbaev qatysty.
Ekinshi oryn Ózbekstan eliniń eskekshilerine buıyrdy. Úzdik úshtikke sondaı-aq Iran sportshylary kirdi.
