Qazaqstan batyp ketken kemelerdi joıý konventsııasyna qosylýǵa nıetti

ASTANA. QazAqparat - QR IDM Kólik komıteti batyp ketken kemelerdi joıý jónindegi halyqaralyq konventsııaǵa qosylý jumystaryn atqaryp jatyr, dep habarlaıdy QazAqparat mınıstrliktiń baspasóz qyzmetine silteme jasap.

«Bul sharalar Kaspıı teńiziniń qazaqstandyq sektorynda batyp ketken shetel kemelerin shyǵarý máselesin sheshýge múmkindik beredi. Qazirgi ýaqytta osyndaı eki keme bar».

QR úshin bul Konventsııa Kaspııde, sonyń ishinde erekshe ekonomıkalyq aımaqta batyp ketken kemelerdi joıý jónindegi máselelerdi basqa eldermen retteýge negiz bolady. 

Konventsııany ratıfıkatsııalaý:

- Batyp ketken nemese qaırańǵa turyp qalǵan keme men onyń bólshekterin jáne júkterdi ýaqytyly joıý úshin keme ıesiniń jaýapkershiligin qarjylyq qamtamasyz etýdi bekitý;

- Batyp ketken kemelerdi joıý úshin jaýapkershilikti saqtandyrý nemese basqa qarjylyq qamtamasyz etýler jónindegi kýáliktiń keme bortynda bolý qajettiligin bekitý;

- Saqtandyrý kompanııasynan tikeleı shyǵyndardy óteý talaptaryn qoıý quqyǵyn Qazaqstanǵa berý.
 

«Komıtet múddeli memlekettik organdarmen Konventsııany ratıfıkatsııalaýdyń maqsatqa sáıkestigin kelisýde. Ǵylymı-quqyqtyq ekspertızanyń oń qorytyndysy alyndy. Qazirgi ýaqytta QR Zańnama ınstıtýty ǵylymı-lıngvıstıkalyq saraptama júrgizip jatyr», - delingen mınıstrlik habarlamasynda.